music

Tiranë, 11 Shkurt – Materniteti “Koço Gliozheni” do të pajiset me katër pajisje të reja të teknologjisë bashkëkohore, të cilat do të rrisin në një nivel më të lartë cilësinë e shërbimit për nënën dhe fëmijën.

Ministrja e Shëndetësisë dhe Mbrojtjes Sociale Ogerta Manastirliu, gjatë nënshkrimit të marrëveshjes me qeverinë japoneze, u shpreh se do të vijojnë investimet e rëndësishëm në infrastrukturën moderne në maternitete.

“Vijojmë bashkëpunimin e frytshëm me qeverinë japoneze, me fokus investimet për nënën dhe fëmijën. Dy maternitetet e Tiranës do të përfitojnë nga kjo marrëveshje aparatura diagnostikuese të teknologjisë së lartë”, tha Manastirliu.

Ambasadori i Japonisë në Shqipëri z. Makoto Ito konfirmoi vijimin e bashkëpunimit me qeverinë shqiptare për investime që kanë në fokus shëndetin e nënës dhe fëmijës.

Materniteti “Koço Gliozheni” do të pajiset me aparat ekografie obstetrik-gjinekologjike, dy respitatorë neonatal dhe kardiotokograf, ndërsa në maternitetin “Mbretëresha Geraldinë’, do të vihet në shërbim Laparaskopia 3d, një aparaturë e re si për sistemi publik ashtu edhe për atë jopublik.

Gjatë takimit me mjekët e maternitetit “Koço Gliozheni”, Ministrja Manastirliu u shpreh se investimet dhe mbështetja e qeverisë do të vijojë për përmirësimin e cilësisë së shërbimit në maternitete dhe pediatri.

“Po investojmë në katër maternitete, në Lezhë, Berat, Kukës dhe maternitetin Mbretëresha Geraldinë si dhe në pediatrinë e Tiranës, Durrësit dhe Fierit, me synim të rrisim cilësinë e shërbimit për fëmijët”, tha Manastirliu.

Ne vazhdim te procesit te akreditimit te institucionit tone me dt .12.04.2019 u organizua trajnimi me perfaqesues nga QKCSA me temen “Procesi i akreditimit “. 

Ne kete trajnim u diskutua mbi plotesimin e standarteve spitalore dhe u fokusua ne disa kapituj te rendesishem me nen pikat :

Menaxhimi i pergjithshem

Menaxhimi i burimeve njerezore

Menaxhimi i informacionit

Kontrolli i infeksioneve spitalore

Perdorimi i barnave

Në maternitetin "Koço Gliozheni", në datë 12 shkurt kanë ardhur në jetë trinjakët e parë për këtë vit. 

Kryeministri Edi Rama i shoqëruar edhe nga Ministrja e Shëndetësisë dhe Mbrojtjes Sociale, Ogerta Manastirliu,vizituan nënën që solli në jetë trinjakët e parë për 2019.

Kryeministri uroi nënën e re të dy vajzave dhe djalit të sapolindur, të cilët menjëherë përfituan edhe çekun e bebes prej 120 mijë lekë të reja.

Nga 1 janari i këtij viti, 2200 bebe kanë përfituar bonusin e bebes. Çeku i Bebes përcakton shpërblim me 40 mijë lekë të reja për fëmijën e parë, 80 mijë lekë të reja për fëmijën e dytë dhe 120 mijë lekë të reja për fëmijën e tretë.

Videon e vizitës së plotë të Kryeministrit e gjeni këtu. 

Për muaj të tëre ekipi i mjekëve  të Maternitetit “Koço Gliozheni” me përkushtim dhe ekspertizëm të pashoqë janë përpjekur dhe kanë  finalizuar me sukses një rast tepër delikat dhe shumë të vështirë!

Falë punës së stafit të Maternitetit “Koço Gliozheni” Gëzim dhe  Zenepe janë sot dy prindër të rinj me aftësi ndryshe, që me forcën e jashtëzakonshme të shpirtit dhe trupit kurorëzuan ëndrrën e tyre të madhe për të sjellë në jetë një fëmijë.